આજના પેટ્રોલનો ભાવ કેન્દ્રએ પેટ્રોલની એક્સાઇઝ ડયૂટીમાં રૂ.૫, ડીઝલમાં રૂ. 10નો ઘટાડો કર્યા બાદ રાજ્ય સરકારે પણ પેટ્રોલના વેરામાં વધુ રૂ.4 અને ડીઝલમાં રૂ. 5.50 ઓછા કર્યા : નવો ભાવ આજથી અમલમાં
આજનો પેટ્રોલ અને ડીઝલ લાઈવ ભાવ
નવી દિલ્હી : પેટ્રોલ અને ડીઝલના ભાવમાં જારી રહેલી આગઝરતી વૃદ્ધિ તથા પેટાચૂંટણીમાં પ્રજાએ શીખવાડેલા પદાર્થપાઠના પગલે સરકારે ચોથી નવેમ્બરથી અમલમાં આવે તે રીતે પેટ્રોલમાં પ્રતિ લિટર પાંચ રૂપિયા અને ડીઝલના ભાવમાં પ્રતિ લિટર દસ રૂપિયાનો એકસાઇઝ ઘટાડો કરવાનો નિર્ણય લીધો છે. આ ઘટાડો દિવાળીના દિવસથી અમલી બનશે. આના લીધે પેટ્રોલ અને ડીઝલના ભાવમાં પણ તેના પ્રમાણ મુજબ ઘટાડો જોવા મળશે. ડીઝલ પરની એક્સાઇઝ પેટ્રોલ કરતાં બમણી ઘટાડવામાં આવી છે. ભારતીય ખેડૂતોને રાહત આપવા માટે ડીઝલ પરની એકસાઇઝમાં નોંધપાત્ર ઘટાડો કરવામાં આવ્યો છે. આગામી રવી સીઝન પૂર્વેે ડીઝલ પરનો ઘટાડો ખેડૂતો માટે અત્યંત મહત્ત્વનો નીવડશે.
ડીઝલ પરની એકસાઇઝ ઘટાડાતા ટ્રક અને કૃષિ ક્ષેત્રને સૌથી મોટો ફાયદો થશે. તેઓ ડીઝલનો સૌથી વધુ વપરાશ કરે છે. વર્તમાન નાણાકીય વર્ષના પ્રથમ અર્ધવાર્ષિક સમયગાળામાં સરકારની પેટ્રોલિયમ પેદાશો પરની આવકમાં ૩૩ ટકા વૃદ્ધિ થઈ છે. પેટ્રોલ-ડીઝલના વિક્રમજનક ભાવોના લીધે સામાન્ય માનવી પર તેની વિપરીત અસર થઈ રહી છે.